بیجنگ: وزیراعظم محمد شہباز شریف نے جمعرات کو یہاں پاکستان اور چین کے درمیان مختلف شعبوں میں تعاون بڑھانے کے لیے مفاہمت کی یادداشتوں پر دستخط کی تقریب کا مشاہدہ کیا۔
تقریب کے دوران پاکستان اور چین کے درمیان سولر پینلز کی تیاری کے حوالے سے مفاہمت کی یادداشت پر دستخط کیے گئے۔ مزید یہ کہ Y-to-O ٹریکٹرز کی تیاری کے منصوبے کے لیے مفاہمت کی ایک یادداشت پر دستخط کیے گئے۔
اس کے علاوہ بورڈ آف انویسٹمنٹ آف پاکستان اور انسٹی ٹیوٹ آف سٹرکچرل
اکنامکس پیکنگ یونیورسٹی کے درمیان چائنہ پاکستان اکنامک کوریڈور کی
ترقی کے حوالے سے مفاہمت کی یادداشت پر بھی دستخط کیے گئے۔
اس موقع پر پاکستان کی حبیب رفیق لمیٹڈ اور بیجنگ گلوبل ہائیڈروجن
انڈسٹریز کمپنی لمیٹڈ کے درمیان مفاہمت کی یادداشت پر بھی دستخط کیے گئے۔